离开TVB24年 陈梅馨享受单身复出唱老歌

离开TVB24年 陈梅馨享受单身复出唱老歌

阔别幕前18年的艺人陈梅馨晚上为TVB节目《流行经典50年》担任嘉宾,多年不见,身材及外貌依然咁正,保养得宜,零走样。

陈梅馨表示离开TVB长达24年,问今次为何出山?她谓在朋友圈被邀请,加上喜欢唱歌,故“胆粗粗”答应:“我为咗上镜减咗十几磅,今次系我第一次喺萤光幕前唱歌,所以都有啲紧张。我会唱《风雨同路》,因为首歌较易上口,早三、四个星期已经开始练歌。”

至于可有兴趣复出幕前?她坦言:“未有人搵我,如果遇到我驾驭到嘅角色都想试吓。(有冇戏瘾?)有时睇电视都会谂,如果呢个角色我会点演呢!”而在淡出娱乐圈期间,她以经营饮食生意:“我开咗间上海菜餐厅,我失败过好多间,失败完又开。(疫情对你好大影响?)少少啦!唔系好大,我系平价餐厅。”

另外,谈到感情生活,她称现时时单身,问是否眼角高?她否认:“想结婚嘅阶段已经过咗,单身都唔错。”

Leave a Reply

Your email address will not be published. Required fields are marked *