外形吸引又演技出色 顾定轩恨跟女神林嘉欣合作

外形吸引又演技出色 顾定轩恨跟女神林嘉欣合作

顾定轩最近首次参演TVB剧《那些我爱过的人》,饰演黄翠如继子「朱嘉炳」,他好感激翠如好易相处,所以拍起亲情戏和嗌交戏特别容易投入。讲到戏中跟新晋女神苏皓儿有感情戏,轩仔透露其实早在几年前二人已认识,要演一对完全冇难度,不过讲到最想合作女神,他首选林嘉欣,除了觉得女神外形吸引,最重要演技出色,如果有机会合作拍感情戏,绝对是梦想成真!採访:杜淑霞 服装:Agnès b

轩仔由14年拍摄首部电影《爱·寻·迷》入行,先后拍过香港电视、ViuTV、到现在TVB剧集演出,能够游走几个电视台实在不容易,他也觉得自己好幸运,「我自己都觉得真係好好彩,好多谢咁多监製肯畀机会我,除咗电视剧嘅监製,好多电影导演我都好想多谢,我哋新人最重要就係有机会。」

同翠如似一家人

今次剧集轩仔虽然首次跟翠如合作,但好快熟络,「我哋加埋戏里面嘅妹妹黄芷晴,真係好似一家人咁,翠如佢好易相处,我哋虽然有好多衝突嘅戏,但係沟通得好好。」讲到拍摄最难忘,他觉得是跟前辈林文龙演对手戏,「有场戏讲龙爷追问我同苏皓儿咩关係,我哋未排过,龙爷一埋位执住我衫领,表面睇好似好大力,但係完全冇令我唔舒服,前辈拿捏得好准,呢啲就係功力。」

讲到跟苏皓儿合作,轩仔透露其实他们好早已识,「我哋几年前做模特儿已经识,我哋真係好熟,合作会特别顺利。」不过同完新晋女神合作,轩仔仲未满足,因心入面有个更吸引对象,「首选梗係林嘉欣啦!佢真係好sweet,见到佢笑容会融化㗎!如果真係可以同佢合作,仲有感情戏就真係梦想成真呀!」

Leave a Reply

Your email address will not be published. Required fields are marked *