JC师妹最嗒黄宗泽糖 张如眉两遇渣男惨到爆

JC师妹最嗒黄宗泽糖 张如眉两遇渣男惨到爆

名模Jessica C.师妹张如眉(Michelle)有意由模界杀入娱乐圈,她曾为农夫的MV《派台妹》担任女主角,又参加过电影试镜,自此对影视圈产生兴趣:“记得我第一次为电影试镜,要演喊戏,见到前面几个都喊唔出,令我好大压力,但到我嘅时候,我竟然喊到失声,搞到摄影师同男拍档都喊埋一份,虽然最后冇被选中,但我冇失望,当系经验。”

欣赏张曦雯
Michelle很欣赏张曦雯,认为自己跟她的条件颇相似,故想朝同样的方向发展:“佢又高又系高材生,我系工商管理硕士,广东话、国语、英文都好流利。而且我好锺意佢嘅电视拍档黄宗泽(Bosco),同Bosco合作系我终极目标。”

问到会否愿意性感演出?她扬言甘为艺术牺牲:“好似汤唯拍嘅《色,戒》系艺术性,而唔系色情,如果有好剧本同导演大于我嘅顾忌,唔介意好似佢咁豁出去。”讲到圈内潜规则问题,Michelle坦言未遇过,但不少人向她提出包养要求:“好多人对模特儿都好猴擒,会直接话我出钱包养你,甚至有内地饭局向我开价一百万,但我都推晒。”

高挑靓女的Michelle现时单身,对于择偶要求,除了要比她高之外,最重要是成熟及有责任感,因她曾有两次不愉快的拍拖经历:“我同过一个内地演员拍拖,当年佢喺北京读中央戏剧学院,我喺广州读书,有次圣诞节我偷偷搵佢,见到佢拖住一个女仔,我即时崩溃,事后佢仲否认一脚踏两船。”

另一次就被前度跟踪及恐吓:“有次佢喺楼下伏我,见我同个男仔一齐上楼,佢上门大吵大闹,又话之前偷偷影咗我嘅换衫相,会放上网,之后连续几日每个钟发威胁短讯畀我,搞到我抑鬱,后来警方介入先冇事。”这两件事令她留下阴影,拍拖前会先花长时间了解对方。

姓名:张如眉
英文名:Michelle
身高:1米78
三围:32、24.5、36
场地提供:Pivo Czech Bar

Leave a Reply

Your email address will not be published. Required fields are marked *