为前世情人流男儿泪 吕方爱索囡囡香

为前世情人流男儿泪 吕方爱索囡囡香

56岁歌手吕方凭25年前旧作《朋友别哭》在内地再次爆红,当踏上人生另一顶峰的成功感,却远不及有女万事足的喜悦,指囡囡不止是“前世情人”,简直是“今生女神”,个多月人仔的抽心力犀利过所有旧爱,暂时是唯一可令他喊的女人。

结婚、生女“一Talk过”的吕方,接受专访时,除有爱妻伍惠宝(Rainbow)做司机做接送外,谈及囡囡时,其蒙猪眼全程变成“腰果眼”,直言极享受“爱的枷锁”:“以前我锺意自由自在,依家有下一代责任好大,囡囡未出世前已经好多嘢谂。(有产前抑鬱?)系产前少少混乱同忧虑啫,好似帮个女改名咁,又查书、问姓名学、搵师傅夹八字,会重心考虑‘吕晨’。”

吕方不讳言曾怕小朋友嘈及喊,但庆幸囡囡超乖:“除咗肚饿,佢唔系好喊,我叫佢做‘吕即停’,因为一食奶就收声,我好锺意抱住佢周围行同索佢肉香味。”虽吕太不准他纵囡囡,但自言一听到喊声就心痛,且首次被女搞喊:“我失恋都唔喊,但有次见到个女笑,我又望吓妈妈,同佢终于有个咁可爱嘅BB,啲眼泪喺眼眶度,系感动到喊。”问可考虑为囡囡增添个弟弟?他说:“希望啦,不过啲人话生女好过仔,将来会多个仔(女婿)。”

属紧张爸爸的他,已为个多月大的囡囡筹划未来,定亲自送囡囡返学、放学,更幻想囡囡长大拍拖会担心到玩跟踪,又计划移民外地,提供最优质的教学,但绝不做“怪兽家长”狂谷囡囡做尖子:“都要等佢消化到先得,一定要学中文,仲要学识独立,唔识洗碗唔系光荣嘅事。”

吕方表示囡囡出世后,和太太感情更升华,以前会为小事嗌交,但现时凡事会磨合:“喺屋企唔系讲道理嘅地方,尤其系同女士,依家识四両拨千斤。”又爆太太不是圈中人,所以拍拖前“唔知佢系乜水”:“我拍《新扎师兄》时,佢得几岁咋。”又自爆30岁时曾想过退休,只是近年又觉得工作可以“Keep”住存在感及保青春才打消念头。谈及本于12月举行的红馆个唱受疫情影响而取消,他感到无奈,大叹可惜,会再申请档期。

Leave a Reply

Your email address will not be published. Required fields are marked *