钟炜乔咸湿医生大战学生妹 周嘉洛:拍嗰阵好享受

钟炜乔咸湿医生大战学生妹 周嘉洛:拍嗰阵好享受

TVB娱乐新闻台主持钟炜乔(Matt),近日三度踩过界客串处境剧《爱.回家之开心速递》,今次更有大胆演出!剧中饰演驻校咸湿医生嘅佢,先后非礼咗几个女同学,最后仲要“打大老”,一手揸落男扮女装嘅“金城安”(周嘉洛)个Pat Pat度,甚有戏剧效果!

Matt受访嗰阵笑言当初一接到角色受宠若惊,因为相当大挑战︰“仲以为系普通医生讲两句就完,点知……原来系一个咸湿医生,仲要几重戏份,不过自己都唔会太尴尬,反而话畀我听嗰个助导就好尴尬,但我觉得呢啲角色先有得发挥,个样要尽量猥琐啲,为咗凸出个角色,仲专登戴眼镜。其实主要都系摸安仔(周嘉洛),佢个男扮女装造型都几靓㗎,同埋估唔到佢个Pat Pat都几弹手,哈哈!(拍咗几多个Take?)我都唔记得摸咗几多吓,但系我有证据证明佢系好戏之人,我哋拍完仲留低影相。”

至于“处女下海”嘅周嘉洛就感觉新奇又有趣︰“始终初体验都系充满新鲜感!睇番自己嘅表现,虽然唔太出色,但因为系新尝试,所以拍嗰阵系享受嘅!”锺意女儿身造型?嘉洛大叫接受唔到︰“我实在太Man嘅!但作为演员,如果剧情合理之下要我再演绎都系冇问题嘅。(被Matt非礼好尴尬?)感受到佢嘅纯熟,个人嚟讲唔太享受,但基于佢好专业,所以拍摄上系完全冇问题。”

问现实中可有曾经被非礼?她说:“自己冇呢方面嘅遭遇,同时亦觉得呢一集嘅题材好好,因为自己一时嘅‘享受’就对他人留低一世嘅伤害、阴影,影响受害者对其他人嘅信任,实在系好自私同残忍嘅行为,不论系女性或者男性,都应该被尊重!”

Leave a Reply

Your email address will not be published. Required fields are marked *