林淑敏夹伤手指公 老公贴心做柴可夫管接送

林淑敏夹伤手指公 老公贴心做柴可夫管接送

艺人林淑敏今日现身环保活动,见她的右手拇指受伤,她解释:“前晚放工好攰,落车时只手指畀车门夹到,好在冇骨折,可能当时分咗心。当日只手指肿咗一倍,依家消咗肿,算系最轻微嘅车祸。我之后有打畀医生,佢叫我拍片畀佢睇。(老公有冇好心痛你?)所以佢今日车我嚟活动做我司机。原来整亲只手指等于冇咗半只手。(夹到嗰刻痛到喊?)冇,当时觉得好痹。(老公车你觉得好窝心?)可以悭啲油。我哋平时好少讲出口,佢今朝突然话车我。(佢好内敛?)我哋都内敛,佢见我今朝整头都有困难,所以主动话车我。”

另外,林淑敏自言平时都环保:“我平时去街巿买餸会有好多胶袋,我会将个胶袋洗乾净再晾乾,用嚟做垃圾袋。”她又指整个《爱.回家之开心速递》的演员都很环保,之前帮道具组取胶饮管,同剧的滕丽名见到即时骂她:“佢叫我畀条铁饮管道具组,我边有条铁畀佢呀!其实都唔应该用咁多胶,因为我哋日日戴口罩已经制造好多垃圾,所以要喺其他地方补番。”

Leave a Reply

Your email address will not be published. Required fields are marked *