李日朗搵黄榕做健身教练:想扮多2年小鲜肉

李日朗搵黄榕做健身教练:想扮多2年小鲜肉

艺人黄榕与李日朗今日出席活动,见两人最近频频孖住现身,他们表示两人已相识19年,最近黄榕更成为李日朗的健身教练,李日朗说:“我哋最近喺一个活动上见番面,佢带我去健身中心赞助我,依家做咗我嘅健身教练,系我第1位女健身教练。”黄榕称初时被对方怀疑其能力:“后来我哋斗举哑铃,我举得仲重过佢。”

李日朗即补镬表示非常佩服对方,由𡃁模做到DJ打碟,再成为健身教练及参加健美比赛,他笑言:“希望佢将我呢个中年发福嘅男子变成6旧腹肌。我块脸唔觉,但我喺疫情期间肥咗8磅,觉得个人好钝,我唔想痴肥,我系中年发福加中央肥胖。(练大只为结婚作准备?)为工作准备,我唔想咁快演中年角色,仲想扮多1、2年小鲜肉,冇理由自投罗网。”

黄榕就大赞对方有潜质变大只仔:“佢好勤力同唔怕辛苦,一开始佢已经可以负重20公斤,我话再加重,佢都话好。”

Leave a Reply

Your email address will not be published. Required fields are marked *