钟培生不满被消费引擂台战 林作:我是要消灭你

钟培生不满被消费引擂台战 林作:我是要消灭你

麦明诗前男友林作同有“百亿富三代”之称的钟培生早前成为城中热话,继林作撕烂锺培生嘅拳击赛事举办合约后、又爆出林作练拳训练费风波,不过近几日佢哋嘅百万擂台战好似冇咩声气,点知今日又再掀起口水战!

话说锺培生日前亮相TVB节目《后生仔倾吓偈》,接受访问时直言不满被林作消费,又坦言两人之所以交恶,事缘两人都系12月23日生日,佢早已唔锺意被人将佢同林作相提并论,今次面对林作先挑机,佢直言加上自己血气方刚,才不惜下战书,佢表示:“嗰日喺我最繁忙时间,突然好多人炸我inbox,同我讲有人抽你水喎。心谂系边个?又系你(林作)。我都同个PR讲系咪要覆,佢话千祈唔好覆,最后我都血气方刚,直接出咗个Post,就话‘Let’s Do’!”

续指林作将会系佢遇过最弱嘅对手:“之前打过3场慈善比赛,同3个对手相比,佢系最弱嗰个,但呢次会系我练得最勤力嘅一次。其实我已经让咗佢,佢应该重我10几磅,但都唔介意。合约已经畀咗佢,唔签就算,Move on,唔好再消费我!”而林作今日喺社交网留言反击:“我不是消费你。我是要消灭你。一周内给大家一个交代。”

Leave a Reply

Your email address will not be published. Required fields are marked *