张馨月连环亲吻 林峯高调放闪冧到爆

张馨月连环亲吻 林峯高调放闪冧到爆

艺人林峯同老婆张馨月参加内地真人秀《妻子的浪漫旅行5》,节目未播出街佢哋已经罕有高调放闪,早前佢哋就Post过爱情保鲜清单,点知今次佢哋索性喺镜头前咀畀大家睇!

平时鲜有讲感情事嘅林峯,今次同老婆一齐出镜已经好Surprise,今次佢哋为配合宣传,喺预告片中就烟韧到晕,张馨月配合剧情同老公林峯讲:“对了,老公我要去旅行了,我给你留了3样东西。”林峯一脸疑惑,张馨月就继续讲1句就锡老公脸仔1啖,两个人都笑到见牙唔见眼,林峯喜上眉梢,去到第3句嘅时候就话:“我知道第3样是甚么了。”跟手嘟起嘴仔准备咀向娇妻“回礼”,点知就被张馨月一掌推开,张馨月话:“你想多了!”

唔少人睇完个宣传片即刻大赞佢哋似足热恋中嘅情侣,又烟韧又Sweet,林峯更加冧样尽现,睇嚟佢都好Enjoy同大家分享2人嘅甜蜜相处。

Leave a Reply

Your email address will not be published. Required fields are marked *