【【馬路炸彈?】17歲已考獲車牌 @Linda鍾嘉欣 自爆曾踩油當煞掣】鍾嘉欣自

【【馬路炸彈?】17歲已考獲車牌 @Linda鍾嘉欣 自爆曾踩油當煞掣】鍾嘉欣自拍畢TVB劇集《星空下的仁醫》後,便返了加拿大享受天倫之樂,最近她開始經營其個人影片頻道,拍片讓大家更了解她的生活。最新一段影片中,嘉欣就駕車帶觀眾去欣賞加拿大的櫻花,她更自爆自己駕車的驚險事。
雖然嘉欣17歲已經考獲車牌,但原來她駕車經常出現驚險狀況。她說:「考試前兩日,我爸爸教我泊車嘅時候,我扭晒軚準備倒車,但點知我冇撳到『倒車』,之後我一踩油就撞埋前面架車度,但我因為驚,我爸爸叫我『煞車』,但我就不斷踩油以為係煞車,前面架車個車尾直程凹晒。」
鍾嘉欣直言自己駕車有陰影,在香港生活時都沒有駕車出入。不過有一次演戲時要駕車,「嗰場戲係拍我揸車、停低、落車、跑,我當時以為自己做得到,但點知當時我落車,我唔記得撳『泊車』,架車繼續走,爭就就撞到個攝影師,我幾驚呀!好彩現場所有劇務呀或者係工作人員都立即跑過去熄咗架車,即刻開車門踩返個Brake,好驚險!」

Leave a Reply

Your email address will not be published. Required fields are marked *