莫文蔚麦浚龙6年后再合作 共同监制玩“加戏”

莫文蔚麦浚龙6年后再合作 共同监制玩“加戏”

歌手莫文蔚(Karen)及麦浚龙(Juno)继6年前合唱过《瑕疵》后,近日再推出新作《因一个人而流出一滴泪》,前者表示因被对方的诚意打动,才有第2次合作机会,她说︰“上次《瑕疵》系前菜,好正但唔够喉,撞啱旧年夏天英国封城嘅时候收到Juno嘅短讯,话有首歌好啱我唱,听完发现唔系一般嘅广东歌,旋律本身已经好有画面。”因而跟Juno不断往来短讯,本来未有打算回港的Karen亦因为这次合作而返港。

讲到新歌是二人共同监制,录音时Juno更特意“加戏”给Karen︰“歌曲开首Karen嘅心跳声夹杂巡唱入面听到嘅掌声、欢呼声,好似反映外面嘅世界同佢嘅内心世界,然后Karen讲咗一句‘我返咗嚟’,再吸气开始唱,系一个好有画面嘅前奏。”二度合作后,他们的默契与信任度大大提高,男方形容这次过程好像拍电影,很有故事性。

问到他们日后可会有更多不同范畴的尝试,例如拍摄MV?Karen即提议拍电影,Juno也认同:“既然要有故事情景角色个性,再合作就应该系拍电影啦!”另外,虽然Karen现时正集中火力准备红馆骚,不过她透露稍后会推出新歌。

Leave a Reply

Your email address will not be published. Required fields are marked *