王敏奕糖妹择偶条件大不同!圈外圈内各有所爱

王敏奕糖妹择偶条件大不同!圈外圈内各有所爱

王敏奕(Venus)及糖妹(黄山怡)这对好姊妹从TVB剧集《女人俱乐部》相识至今,感情深厚,不过对于会否拣圈中人做另一半,2人却有截然不同的看法。与曾国祥结婚的Venus,认为同一圈子的伴侣思想较一致,对方明白自己的感性位,时间又较易掌握。至于糖妹就“见过鬼怕黑”,现选择与圈外人拍拖,大家各自在不同范畴打拼,可以认识另一个世界,又坦言与男友都是理性人,对方更成功治到她!

Venus与曾国祥(Derek)于2019年在日本结婚,对于选了圈中人做另一半,她笑言:“缘分真系好难讲,其实我系唔锺意男演员,因为好怕男人化妆,好唔man,锺意好真实,有少少须,但Derek绝对唔系男演员style,佢系放飞自我。”

她认为与圈中人拍拖的好处是可以互相体谅:“有时突然早收或唔使开工好难约人,圈中人会有呢方面嘅优势,大家都系flexible嘅行程。(拍亲热戏又唔使交代?)试过有朋友嘅男朋友都系呢行,但佢接受唔到女朋友做幕前亲热戏,我同Derek都会笑佢男友咁大男人、咁保守。”

她又谓与老公都是感性的人,故十分之夹:“佢始终系男仔较内敛,唔似女仔咁水造,但因为佢感性,会明我好多感性位,唔会觉得夸张。”

生儿育女 循序渐进
结了婚,下一步就是生小朋友,现年29岁的她只想循序渐进:“生小朋友对我哋呢行系有啲影响,例如行程上,拍戏要通宵,但又想畀番时间小朋友,手掌系肉、手背又系肉,好挣扎,唔想是但一边做得唔好,所以处理好自己嘅嘢再谂,但到时又要谂另一半系咪都准备好想生小朋友,所以系循序渐进。我妈咪就好想我生,因为长辈想抱孙,但我话畀佢听两样嘢好难同时并行,想事业再冲刺先谂。(有仔趁嫩生?)我都过咗趁嫩生嘅阶段,真系嫩系25岁之前,依家又未去到再唔生唔得,仲可以徘徊一阵。”

糖妹曾经与何浩文拍拖,现时男友则是长驻日本的圈外人,她坦言:“我会拣圈外人系因为试过圈中人,以前始终细路女,恋爱大过天,但依家出道10年,唔再系傻更更嘅女仔,所以依家想关系对等啲,你有你嘅事业,我有我嘅忙碌。”问到圈外人可会较难接受女友演亲热戏?她笑言男友很理性:“我都会想激吓佢,话我可能拍床上戏,但佢会答:‘哦,去呀,做嘢之嘛,你都唔会唔锺意我嘅。’,好有自信好淡定。”

她笑言自己已属理性,可是理性程度仍男友不上:“好难耍赖,有时我躁躁哋,佢会话你做嘢先啦,收咗我道火,治到我!”她亦表示男友从商,大家可以讨论不同层面的话题:“佢会教到我从商业角度去睇嘢,我哋会讨论时事、国际新闻、市况,依家我哋话题系区块链,系佢之前嘅专业,而我又好有兴趣,所以真系好夹。”

深思熟虑 唔怕迟婚
讲到结婚,现年33岁的糖妹认为时机未到:“遇到又想花几年时间熟悉了解吓大家,唔可以仓卒。(怕唔怕迟婚?)迟婚唔系一个问题,但如果另一半想生小朋友,就确实有少少担忧,事业型嘅艺人晨早7点就要起身凑仔,我谂仲可唔可以瞓到10点先起身。(对生小朋友却步?)不嬲却却哋,我咁细粒点生,哈哈,又减肥减到咁瘦。(心态上想唔想?)视乎伴侣同我呢几年赚咗几多钱,因为搞掂屋企人系最重要。”

Leave a Reply

Your email address will not be published. Required fields are marked *