【歌王X视后】同蔡思贝组队跳唱?胡鸿钧:惊眼球爆!

【歌王X视后】同蔡思贝组队跳唱?胡鸿钧:惊眼球爆!

歌手胡鸿钧(Hubert)正为TVB新剧《爱上我的衰神》赶工,但都不忘抽时间宣传新歌《整亲》,仲亲自邀请乐队Dear Jane玩Crossover互唱新歌!近日佢先Post咗其中一条片︰“同Dear Jane识咗好耐,今次系第2次合作,想试吓将首新歌加啲Band Sound元素,应该几正!(自荐做Dear Jane第5位成员?)我有话佢哋争个Keyboard手,但佢哋话我自己一个好似仲有个人风格…(被婉拒好Hurt?)睇怕我要再努力啲,哈哈!但我觉得歌手之间有交流系好好玩,一路都想再有合作。”

讲到想组成组合,提议他可跟视后兼绯闻女友蔡思贝组队主攻跳唱,因为之前思贝曾跳唱过其歌《到此一游》,可谓“经验”丰富,“默契”十足,若然成功“结合”就系歌王加视后的最强组合,同时又可抽时间“拍拖”,可谓一举多得!

Hubert听到先扮傻反问“佢跳舞咩?”然后笑话︰“以我所知佢啱啱入咗剧组,大家都忙,跳舞真系唔好乱嚟,观众嘅眼球系有Quota,长期去攻击大家个眼球会有爆煲嘅一日,就好似我之前出咗好多条跳舞片,都系挑战紧大家条底线,我Feel到就嚟好似过咗条线,就无谓再刺激大家,等回落番先啦!(即系有机会?)咩都有可能嘅!但自觉同跳唱仲有一大段距离,不过我会继续去尝试、进步,除咗唱情歌,都希望有另一面畀大家见到。”

Leave a Reply

Your email address will not be published. Required fields are marked *