签约邵氏被网民攻击 关嘉敏:抹煞咗我嘅努力!

签约邵氏被网民攻击 关嘉敏:抹煞咗我嘅努力!

女子组合Bingo成员Carman(关嘉敏)及Odilia(陈康琪)出席活动,讲到前者于ViuTV选秀节目《全民造星III》中成功弹出后,近日突然宣布签约邵氏,事后被网民“攻击”,指她“倒戈相向”。

受访时她直认睇到网上言论好唔开心,甚至有种被抹煞努力的感觉:“呢件事唔系我话到事,系公司嘅决定,想我喺演员方面发展,我亦尊重、明白公司。始终自己都系呢个演艺行业嘅人,觉得分开(台)咁睇唔系咁好,点解我喺《造星III》做得好,你哋会支持,但当我去到另一个台,你哋会觉得我好差,呢样嘢系令我最唔开心,好似抹煞咗我好多努力。(网民个理解系《造星III》捧红你,但你舍弃咗佢。)我喺节目入面都有好多努力、汗水,先造就依家嘅我。”

她续自爆比赛后ViuTV没有找她倾合约事宜,问到可得悉有同届学员签ViuTV?她指不清楚,并说绯闻男友CY亦未动笔:“倾开偈佢话暂时都唔想签,仲物色紧。(佢想签唱片公司?)唔知,但佢系锺意唱歌。”

靓样惨成拳靶
讲到Carman近日参与TVB新拳击节目,她表示同时跟Odilia再参加另一个跳舞节目,每日练拳、排舞度日,冇时间休息,又自爆刚处女下海试对打,靓样惨成拳靶:“打中面好想喊!未试过咁样畀人打!但OK嘅,虽然未打过拳击,但学过功夫,觉得几新鲜。”

ViuTV之前亦曾推出过拳击节目《G-1格斗会》,问到会否担心网民又会指TVB撞桥?她无奈说:“无论我依家做啲咩,个处境都系会畀人话,只好尽力做好自己,唔好令支持我嘅人失望。”

而Odilia表示对跳舞比赛信心十足,希望可从中让观众睇到她不同面貌,又自爆练舞练到周身伤,小腿内侧更有挞大瘀伤,她爆笑形容似“畀鬼搣”,Carman就话拉伤大腿筋。

Leave a Reply

Your email address will not be published. Required fields are marked *