幕后“画家”曳曳出手!岑丽香凑仔冇咗件衫

幕后“画家”曳曳出手!岑丽香凑仔冇咗件衫

艺人岑丽香虽然生咗两个小朋友,有双重嘅“甜蜜负担”,但身形完全冇走样,仲愈嚟愈索!最近忙于喺屋企一打二嘅香香,不时喺社交平台分享凑B趣事,近日见佢仲自创咗套凑B神招,唔好睇佢Upload嗰张相只系抱住细仔“小腰果”咁冇乜特别,除咗隔住个Mon、斋睇香香背脊都Feel到佢散发出嚟嘅嗰阵浓厚母爱之外,亮点就喺佢件湖水蓝色上身衫度,惊现有好多用颜色笔画上去嘅“战绩”!

香香用英文留言话︰“当你好忙咁凑紧一个BB嘅时候,另一个就会画你嘅背脊。”另外,佢仲加咗个无奈掩面Emoji,字里行间好明显香香讲嘅“另一个”就系大仔Jacob,而呢个幕后“画家”画出嚟嘅“杰作”用色鲜艳,意境十足,好似画紧湖边嘅草丛,非常有艺术细胞!虽然香香件衫好似毁咗咁,但相信佢系唔会介意嘅,仲应该会好好珍藏!

Leave a Reply

Your email address will not be published. Required fields are marked *