黄翠如继续“潜水” 陈自瑶露腰独…

黄翠如继续“潜水” 陈自瑶露腰独撑新节目

由陈自瑶(Yoyo)及好姊妹黄翠如主持的TVB收费台养生新节目《世界养生组织》将于明日(14日)播出,今日(13日)在电视城举行记者会,惟只得Yoyo以瑜伽Look露腰现身,情绪低落的翠如继最近两度缺席剧集《七公主》宣传后再度“潜水”,席间播放节目宣传片才见其“身影”。

受访时问到Yoyo为何不见姊妹,翠如是否仍然收埋自己?她说:“一直都有记者问我呢个问题,但佢嘅嘢我唔方便回应,等佢自己讲。(佢心情OK?)真系唔方便回应,等佢自己讲番。(就系见唔到佢先问你嘛。)OK嘅,大家唔使担心!”提到之前翠如于社交平台讲“再见”吓坏大家,Yoyo再谓:“每个人都有啲嘢想抒发,佢讲咗系私人悼念,咁就畀啲空间佢,又唔需要将件事放大。”而TVB公关表示因为翠如有工作在身,所以未能出席。

Yoyo表示节目中会参与各个国家的养生方法,活动期间她再体验做瑜伽及颂钵:“拍完节目我都真系买咗个铜钵返屋企,每晚除咗冥想之外,仲会颂钵。”她自认比较性急,好易有焦虑情绪,透过颂钵可得到治愈:“平时除咗返工,仲要照顾家庭、小朋友,急起上嚟容易感受到心跳加速同呼吸急促唔畅顺,养生系要身心一齐健康。(有同囡囡一齐颂钵?)佢太活跃未坐得定,暂时当个铜钵系乐器,系Enjoy玩嘅,哈哈!(试同翠如颂钵?)都好喎!我可以买个铜钵送畀佢,但唔知佢玩唔玩。”





Leave a Reply

Your email address will not be published. Required fields are marked *