魏骏杰患抑郁瞒住个女:唔想令佢担心

魏骏杰患抑郁瞒住个女:唔想令佢担心!

艺人魏骏杰、黄建东、蔡颂思及阮德锵等,今午(14日)为下月举行的14场舞台剧《老公~你好闷呀!》进行彩排。魏骏杰自1990年加入无綫拍剧后,已有31年没演出过舞台剧,他坦言一直有舞台剧戏瘾。

当问到为何未有再演?他坦言:“多谢TVB当年嘅栽培,令我放低咗舞台剧,边可以请假几个月出去排戏呀?(推咗啲舞台剧演出?)系,唔只一次添。”今次扮演落难绅士,他坦言正努力减肥,目前约180磅的他,希望正式踏台板时,可减多10磅:“我有信心嘅,到时会gel晒头、着晒西装,骤眼睇唔觉得肥。”

至于日前他接受电台节目访问,自爆曾患抑鬱想自杀,魏骏杰表示目前已冇大碍:“当时经历咗社会运动,疫情期间健身室又关门冇得健身,个女冇得返学要上zoom,困喺屋企,我又冇工开,后嚟睇医生,食咗几个月药。”他坦言患病期间一直瞒着个女,不想令她担心,幸好医生指他情况不算太严重。

他又指11岁女儿就读6年级,自己每天彩排完便返家教功课及陪温书:“希望佢顺利升读到原校,否则会安排佢去北京升学。(佢肯?)肯,但要我陪住佢。”他坦言希望尽快通关,可返回内地接工作:“依家唔得,点放心放低个女?(前妻帮手?)佢会,佢都好锡个女。(你哋依家关系点?)好好,有沟通,嬲人好辛苦㗎。”





Leave a Reply

Your email address will not be published. Required fields are marked *