据香港东网报道:影后…

据香港东网报道:影后#舒淇#早前被网民野生捕获后,将合照Post上社交网开心Share,相中零化妆嘅佢打扮超Causal,戴住金色渔夫帽,着住黑Tee、紧身裤,再衬埋红色格纹外套,造型一啲都唔似性感女星,但型得嚟又相当可爱,尤其佢条孖辫仔,简直系青春泉源,正如#许冠杰#嘅《#十个女仔#》首歌仔一样“三张几嘢扎起辫仔,青春美丽就冇失礼。”套落45岁嘅舒淇身上一样贴切,网民即大赞佢超靓、超甜、超Nice,封佢为“逆龄女神”。
而事实上舒淇真系保养得好好,除咗身材十年如一日咁纤瘦,对长腿又细又直,佢仲曾经同人分享过收身心得,就系要戒坐,有位坐时都要企,特别系食完饭之后,必须要企足半个钟,“被罚企”时记紧要用腿嘅肌肉用力,咁可以预防对脚囤积一大旧赘肉,亦可以令腿部线条更突出。
至于皮肤护理方面佢亦有一套,可能本身佢有湿疹问题,所以喺唔需要化妆时,佢都唔化妆,令皮肤抖吓气,所以块面唔使靠打美容针,面部都一样冇皱纹,天生丽质真系恨死好多港女,唔怪得老公冯德伦咁爱佢。



Leave a Reply

Your email address will not be published. Required fields are marked *