炎明熹唱梅艳芳金曲 冼靖峰向罗敏庄偷师…

炎明熹唱梅艳芳金曲 冼靖峰向罗敏庄偷师

“声梦”学员炎明熹(Gigi)及冼靖峰(Archie)今日(21日)为TVB节目《劲歌金曲》录影,适逢今集主题是已故天后梅艳芳(梅姐),Gigi表示拣选了金曲《亲密爱人》:“因为想唱啲甜蜜啲嘅歌。”

而Archie就话会同罗敏庄合唱《心仍是冷》,大呼有压力:“毕竟前辈好有经验,所以都有啲担心,转头再向佢偷师,希望唔好失礼啦!(罗敏庄把声好似梅姐。)系呀!练歌睇番啲片发觉佢把声真系好似,更期待同佢合作擦出嘅火花。”

Gigi透露同时亦会唱新歌《真话的清高》,首次唱Live心情忐忑又紧张,并指留意到出歌反应不俗,即时松一口气,Archie趁机预告首支个人单曲正进行后期制作:“今次同监制倾咗好多,喺编曲、Style上都有改,希望快啲推出畀大家听。”

另外,讲到Gigi出道短短2个月,就已经可以参与内地中秋晚会,并偕多位红星献唱,她谦指多谢公司安排,不过说节目内容暂时要保密,问到有没有想过短时间内人气红遍内地?她坦言:“冇谂咁多,一直尽力做好自己,但都有开内地社交平台同Fans互动。”


Leave a Reply

Your email address will not be published. Required fields are marked *