孖黄翠如登玉龙雪山放闪 萧正楠“弱鸡”…

孖黄翠如登玉龙雪山放闪 萧正楠“弱鸡”丧吸氧气

艺人黄翠如最近做咗跟得夫人陪老公萧正楠北上开工,昨日(23日)系翠如40岁生日,萧正楠同佢登上位于云南省丽江市嘅玉龙雪山庆祝,睇到佢哋两公婆翘晒手喺雪中共舞大晒恩爱,实行闪爆网民!萧正楠去到海拔4,506米嘅位置,出现高山反应表现得好辛苦,全程拎住个氧气樽,系咁吸氧气,而最好笑系佢吸完氧气之后,连声都变埋“米奇老鼠”声,搞到佢都吓亲问:“到底我吸咗咩气呀?”真系笑爆嘴呀!反而翠如个高山反应就冇咁犀利,佢见到萧正楠咁“弱鸡”都忍唔住笑添!

网民睇见佢哋两公婆喺疫情下仲有得去旅行玩吓,都大嗌好羡慕,而有网民就话睇到之前受情绪困扰嘅翠如,笑到见牙唔见眼,相信佢依家应该真系冇晒事啦!







Leave a Reply

Your email address will not be published. Required fields are marked *