张彦博写新歌 邀伍乐城任监制歌手…

张彦博写新歌 邀伍乐城任监制

歌手张彦博与音乐人伍乐城(Ronald)今午(24日)现身歌唱活动,与小朋友唱圣诞歌。张彦博透露将会与伍乐城合作,他说:“自己写咗首歌,搵咗Ronald帮手监制,同埋玩音乐咁耐但从未正式喺学院学过,希望佢指导下我可以增值一下,等自己可以有多啲新元素出嚟。”

Ronald则盛赞张彦博是一位有潜质的音乐人,他说:“佢根本系一个唱作人,唱歌之外又识好多唔同乐器,不过佢忙挂住拍戏之嘛,之前都交流过,佢好多想做嘅音乐,睇吓点协助佢去做,最近佢都交咗两首歌,其中一首我觉得唔错。(畀几多分?)80分啦!畀啲压力佢先,哈哈!”

张彦博笑称对方畀面:“80分好畀面啦,其实我成日都觉得啲作品未如理想,衰啲讲自己啲歌有啲杂乱无章,因为咁多年都冇唱片公司跟进,依家有个大师可以帮我修正一下,将我嘅风格带出嚟,好期待。”Ronald笑称他并非杂乱无章,只是种类太多,要专心锁定一个方向去做:“情歌或励志歌好适合佢。”


Leave a Reply

Your email address will not be published. Required fields are marked *