王梓轩自认“问题儿童”…

王梓轩自认“问题儿童” 被老师罚坐櫈脚

艺人王梓轩主持的TVB节目《演斗听》成功赢得口碑,早前他便与演斗Band成员郑嘉嘉和张可永(Byron),向多位教育界要员及30位校长们,以环保主题即兴创作一首2分钟的歌曲,用音乐宣扬环保重要性。

当日,王梓轩、郑嘉嘉和Byron以特别嘉宾身份表演,收集现场人士提供的“减炭”、“再重用”作素材,花了5分钟便成功创作一首2分钟长的环保歌,不过外国长大的Byron,因要记着观众提交的中文词,搞到甩辘甩晒嘴!王梓轩话:“之前慈善团体搵我,话不如我哋将《演斗听》某一啲concept、某一啲音乐游戏带嚟学校教啲小朋友,等佢哋可以一齐合作多啲,有多啲自信心呀!更可以将佢哋观察嘅事物提高,今次我哋3个带咗一个小小嘅示范,因为《演斗听》入面,即兴好重要,咁我哋嚟到小学嘅礼堂同好多教育方面好重要嘅人士分享,一个即兴创作会系点㗎呢?最精彩就系会甩辘,哈哈!”

Byron尴尬地表示:“哈哈!要加啲中文词落去,自己啲词就唔记得晒,不过呢个活动好有意义。”嘉嘉与Byron同样已为人父母,亦有教开小朋友,但嘉嘉暂时只想教12岁以下的小朋友,嘉嘉说:“其实12岁以下嘅小朋友比较上冇咁劳气,佢哋问嘅问题比较简单啲,同埋天真啲,大个啲就…(驳嘴?)嗰啲啦!”Byron则说:“So far啲家长问我,点解你咁有耐性嘅?如果佢哋跳跳扎,唔想学,我咪由得佢跳啰!佢哋放晒电就会坐定定可以教。”将音乐创作带入学校给予学生启发和正能量,是梓轩一直很想做的事,梓轩说:“如果我哋真系做呢个Program,希望大家会支持,我都好希望可以教导小朋友用音乐创作来表达自己。”

谈到儿时话题,梓轩指自己小时候“好大镬”属“问题儿童”,他谓:“我小学时问啲问题好复杂,问到啲老师会嬲嬲地,觉得我烦,答唔到就攞张铁櫈反转咗,我成堂净系坐住张櫈脚,佢系要不停惩罚我先会收声,所以希望你哋唔好遇着呢啲!”




Leave a Reply

Your email address will not be published. Required fields are marked *