升呢角逐视后!蒋家旻冇信心登顶…

升呢角逐视后!蒋家旻冇信心登顶:陪跑已经好开心

蒋家旻今日(25日)在将军澳电视城出席《万千星辉贺台庆》祝捷会暨《万千星辉颁奖典礼2021》公布提名名单。 去年夺得“飞跃进步女艺员”的她今年分别角逐“最佳女主角”、“最受欢迎电视女角色”及“最佳女配角”等奖项。

讲到首次竞逐“视后”,她表示:“冇信心,可以提名陪跑已经好开心。自己会集中火力喺‘最受欢迎电视女角色’同‘女配’,总之有奖攞都开心,好锺意《换命真相》角色,拍嗰阵冇谂过咁大回响,始终同《反黑路人甲》角色好唔同,估唔到咁多人谈论。不过,自会比较期待出年播嘅《双生陌生人》。”

视帝方面她希望谭俊彦攞奖:“因为佢做过我哥哥,希望可以同佢一齐攞奖。”视后则看好李佳芯(Ali)及黄智雯(Mandy),她说:“Ali曾经攞过视后,所以我拣Mandy,佢都系实力派,Mandy都系时候攞呢个奖,呢个奖都要配合天时、地利、人和。”



Leave a Reply

Your email address will not be published. Required fields are marked *