谭俊彦望能夺“视帝”受肯定…

谭俊彦望能夺“视帝”受肯定:有个奖项以后条路比较稳定啲

谭俊彦(Shaun)今天(25日)出席《万千星辉贺台庆》祝捷会 暨 《万千星辉颁奖典礼 2021》 公布提名名单记者会。Shaun受到多个提名,其中两个大奖包括“最受欢迎男角色”和“最佳男主角”,他说将会尽力拉票,望能入5强:“一步一步嚟,入到5强对我好大认同,同埋今年我做多咗综艺,大家对我认识深咗。”

Shaun对能否夺得“最佳男主角”奖是有一定的渴望,认为自己年纪也不小,希望受到一些肯定:“如果有个奖项,以后条路比较稳定啲。始终依家一家之主,做呢行就係唔稳定,时间唔稳定、健康又唔稳定、赚嘅钱又唔稳定,如果有个奖肯定,我之后条路会容易铺啲。”

Shaun在2016年加入TVB,已经有六年时间,他笑言未加入TVB之前,走的路从来未平稳过:“其实唔係TVB嘅时候,好多工作要自己搵,好多人都唔知道试过有一段长时间冇工作,亦试过一个星期拍几套戏都只係行过,咁係搵到钱嘅。嚟咗TVB相对幸福咗,机会比以前多咗,所以我希望借呢样嘢再规划嚟近5年係点。”

Leave a Reply

Your email address will not be published. Required fields are marked *