吴婉芳二仔胡智同坐无影櫈操脚肌 狂“震波”…

吴婉芳二仔胡智同坐无影櫈操脚肌 狂“震波”诱网民!

前港姐吴婉芳嘅二仔胡智同(Lynus)出名高大靓仔,平时好锺意玩健身,操到一身爆肌,仲攞过健美先生比赛冠军,被称为新一代笋盘!佢不时喺社交网玩健身,无论系举哑铃定铁饼、做伸体上升都难佢唔到,佢今日(6日)又同网友分享自己嘅日常健身训练嘅片,睇到赤膊上阵嘅佢大晒6旧腹肌、同目测超过44吋嘅胸肌,令一众网民都好羡慕!

片中睇到佢好落力咁举重训练上身肌肉之外,佢仲有留言话要练埋只脚嘅肌肉:“Tempo Leg Day!”睇到佢挨住墙坐无影櫈,仲要将2个大铁饼放喺只脚上面,出尽力咁撑住,不断呼气吸气,面露痛苦表情,做完之后佢都要即刻坐底休息,睇见都觉得攰呀!唔少大赞佢有毅力,要操肌真系要付出好大决心同汗水,而有网民错重点话畀佢胸肌“震波”吸引,仲搞话佢同喺剧集《老表,你好hea!》中,“震波”猜枚嘅张继聪有得挥添,认真搞笑!






Leave a Reply

Your email address will not be published. Required fields are marked *