花6年时间由蛋散变导演 杨潮凯自…

花6年时间由蛋散变导演 杨潮凯自觉亏欠双亲

艺人杨潮凯为TVB娱乐新闻台节目《StarTalk》任嘉宾,接受主播许文轩访问,大谈首次执导电影感受,更分享起用新演员原因,他说:“2018年成日都听到啲人话电影界青黄不接,我心里面好唔忿气,你哋都唔畀机会新人,佢哋梗系做唔到独当一面,呢样嘢摆喺我个心好耐,所以开拍之前话一定要用新人,跟住搞咗个Open Casting,见咗二百几位女演员,首先定咗杨偲泳,但一直未搵到另外一位演员,谈善言就系自荐嚟面试,见性格独特后就决定用佢。”

谈到花了6年时间成为电影导演,他边说边哭成泪人:“多谢屋企人,由训练班开始到拍第一套电影,真系好难行,佢哋好支持,爸爸妈妈好担心我嘅生活问题,我又未必畀到好好嘅生活佢哋,我觉得自己亏欠咗佢哋,好开心首映睇完之后,佢哋话好自豪有我呢个仔!”他更感激太太一直在身边,他说:“识咗太太好耐,成个过程佢都见证住,睇住我拍戏时候承受嘅痛苦,所以能够得到团队、家人同观众嘅支持同认同,好感触。”

Leave a Reply

Your email address will not be published. Required fields are marked *