王浩信37岁生日晒爆肌照 陈自瑶闹爆抢人老公

王浩信37岁生日晒爆肌照 陈自瑶闹爆抢人老公

TVB视帝王浩信今日37岁生日,过咗凌晨12点佢已经急不及待更新社交网,佢上载一张黑白爆肌照,留言:“今年给自己的生日礼物,在忙碌的拍摄进程,尽了全力,知道未是最好,但留下了一个记录,一个里程碑,人生其中一件想做的事!感恩遇到角色需要的鞭策,继续努力,继续成长!”相中嘅佢半裸上阵,大晒8旧肌肉,Fit到漏油!

唔少圈中好友都送上祝贺,包括旧拍档朱千雪、陈敏之、杨潮凯、陈山聪、黄智雯、姚子羚等,不过就唔见老婆陈自瑶有所表示,相反无论剧中定剧外同陈自瑶一样好姊妹嘅连诗雅都有留言“Happy Birthday”!

另边厢,陈自瑶发文闹爆:“女人我见得多,好似你咁贱格既我都系第一次见,咁多男人唔仲意,系要锺意抢人老公嘅……🤔🤔😒😒、“点解呢个世界咁多绿茶婊”、“不知廉耻”,斋睇文字真系吓亲人,原来佢系讲紧《那些我爱过的人》啫!剧中佢为连诗雅出头闹第三者崔姑娘(麦皓儿饰),唔少网民都大赞佢做得好好呀!

Leave a Reply

Your email address will not be published. Required fields are marked *