处女演舞台剧 黎瑞恩预咗随时演一年

处女演舞台剧 黎瑞恩预咗随时演一年

歌手黎瑞恩(小恩子)为TVB《流行经典50年》音乐节目录影,她表示会献唱苏苪的《谁可相依》及谭咏麟的《雨夜的浪漫》。

小恩子透露现忙于为由马浚伟自编自导自演的舞台剧《男人40 CEO》彩排:“我日日好似返工咁,有时由夜晚7点彩排到11点,冇晒朋友,不过妈咪同囡囡生日都畀我攞假。”

首次演舞台剧,她坦言心情紧张,比别人花多一倍时间排练:“人哋排两个月,我哋早一个月就已经排练,9月中上演,因为要就我呢啲新人,要上堂,教吓走位同舞台术语。我最担心系唔记得对白,嚟紧都唔畀睇剧本彩排。”

提到近日疫情有反弹迹象,问会否担心影响舞台剧演出?她说:“马浚伟有两手准备,如果9月做唔到,就延期一年,一年内再做番,签约时有讲明。(啲飞卖晒未?)全部都系预售先,但具体情况要问番马浚伟。”

Leave a Reply

Your email address will not be published. Required fields are marked *