谢东闵自爆同朱智贤分居:畀番佢自己交代

谢东闵自爆同朱智贤分居:畀番佢自己交代

艺人谢东闵到电台宣传无綫热播剧《杀手》,问到可有跟休息中的女友朱智贤一同追看?他笑言:“唔知佢有冇睇,都冇问有关工作上嘅嘢,自己就会每晚返屋企重温番。”

二人早前曾坦承已发展成同居关系,惟谢东闵承认最近已分居,他说:“间唔中都有见,依家各有各忙,但留番畀佢自己讲番,唔代佢答啦。(讲到关系咁生疏?)唔系,纯粹系唔知佢想唔想我讲,畀番佢自己交代。”女友可有话闷到发霉?他指:“要做就有好多嘢可以做,可以行山、做运动、煲剧,可能都唔够时间。(之前有一齐做运动?)有去Gym Room。”

讲回剧集,谢东闵表示剧中主要跟黎耀祥及李成昌有对手戏,其中十年前首次拍戏就是跟黎耀祥:“拍《法证先锋III》,嗰时我乜都唔识,都有请教过佢。(再拍赞你有进步?)佢笑话自己十年都未识做戏,因为时间好短。”并剧透戏中角色到后期有重大转变,是其中一个想演的角色:“亦正亦邪咁,题材又锺意,我好锺意睇打斗、血腥戏,但今次畀人打多,哈哈!”

另外,他又讲到正拍摄新剧《刑侦日记》,剧中饰演有精神分裂的孤独精,会跟塑胶成人公仔发展一段单纯爱情:“当佢真人咁照顾。(要毛手毛脚?)又冇,不过同死物对戏都几得意。(惊唔惊抽离唔到?)抽离唔到唔紧要呀!可以拎返屋企,之后卖咗佢,哈哈!”

Leave a Reply

Your email address will not be published. Required fields are marked *