受疫情影响 黄美棋生意额跌一半

受疫情影响 黄美棋生意额跌一半

艺人邝洁楹(Judy)与黄美棋今日出席《煮场争霸》记者会,美棋爆Judy很努力学烹饪,Judy表示:“我向来好锺意上网睇片,好多煮食教学,我哋之前拍饮食节目都会走入餐厅嘅厨房去偷师。”

美棋自言有心去学,上次在节目中跟大厨学煮的长脚蟹三食更学以致用:“前几日同朋友烤长脚蟹,我都有打畀大厨问佢点用蟹膏炒饭。我新一年有个目标畀自己,就系要有个新关系。(做煮饭婆?)唔系,我系问大厨收唔收徒弟,我真系好欣赏佢。佢表面OK咗,我话畀几日时间佢考虑。”她称若成功拜师会请Judy试其厨艺。

讲到新一年目标,Judy谓希望不用再戴口罩:“戴口罩拍节目始终有影响,又要预备多几个替换,而且我哋个饮食节目《香港美食一条街》原本计划开新一辑,但都因为疫情而冇咗,都有啲可惜。”美棋亦指其投资的食肆受第4波疫情影响生意额下跌一半。

另外,早前美棋的男友锺健威被影到买戒指,问她是否好事近,她笑言:“我都想知,仲未到我手,唔知佢送畀边个,可能只系睇吓!(系咪有结婚计划?)冇咁快,因为疫情同好多原因,最快都2、3年后。”至于之前被传跟酒吧富二代拍拖的Judy就自称跟对方是关系几好的朋友:“我十画都冇一撇,半撇都有嘅。”

Leave a Reply

Your email address will not be published. Required fields are marked *