《爱.回家》飞甩岑杏贤?欧瑞伟何启南玩断背山!

《爱.回家》飞甩岑杏贤?欧瑞伟何启南玩断背山!

“每个人心里都有座断背山”,相信欧瑞伟同何启南都有一座!《爱.回家之开心速递》寻日播出嘅一集,KC(欧瑞伟饰)同John(何启南饰)大玩HeHe情!KC嘅女友Icy(岑杏贤饰)飞咗去美国照顾母亲,KC内心寂寞难耐,而John因为做错事,畀老板丧闹,两个失意人喺酒吧偶遇,齐齐摸酒杯底诉心声,发现大家原来都好锺意煮嘢食,之后约埋返屋企下厨!

就咁煮嘢食都算啦,佢哋仲玩埋互喂饮汤,劲鬼骨痹!咁都唔够,佢哋一齐做高温瑜伽,睇见都毛管戙!之后玩到入房,两个大男人玩枕头大战,搞成间房都系羽毛,HeHe到爆!最后佢哋煲电话粥密密斟,John话饮完KC啲汤,返唔到转头喎,真系肉麻到冇人有!

原本KC同埋Terry(李伟健饰)是系公认嘅最佳HeHe拍档,但今次John咁样叉只脚埋嚟,佢同KC会唔会谱出真.HeHe情呢?而岑杏贤喺《爱.回家》突然消失半年,有传佢有咗BB,但佢受访时只系话有消息再同大家宣布,可能怕BB未够3个月会小器!

Leave a Reply

Your email address will not be published. Required fields are marked *