连嘟嘟都追问波鞋事件!193寸爆:拍个广告都买到廿对

连嘟嘟都追问波鞋事件!193寸爆:拍个广告都买到廿对

组合ERROR成员193(郭嘉骏)早前出Post求限量版波鞋,岂料被作家兼KOL指佢𢱑鞋,仲话:“明星,唔系咁做的。”引来193亲自留言“你真系唔识㗎喎”还击,而该KOL之后宣布“辞职”及表示:“对193也没深仇大恨,也多得3爷留言教训,个人引起思考/讨论不果,却引起太多粉丝的不安,是我言论过于偏激,有失KOL的责任。”

而寻日(3日)ERROR就上咗郑裕玲(嘟姐)主持嘅电台节目受访,连嘟姐都忍唔住追问波鞋事件,193表示该对波鞋好犀利,系三方联名出嘅,喺外国都冇可能买到,所以尝试出Post搵鞋:“睇吓有冇人帮到我手,无论系抽又好,公关、水货店帮我又好,想有个途径可以攞到对波鞋,我超想要!”

仲好霸气话:“同埋我绝对畀得起钱,因为其实我拍一个广告可能都买到十对、廿对,点解啲人会话我想要免费波鞋呢?如果佢有睇开我不嬲储嘅波鞋,就知个对其实唔算系啲咩贵波鞋!”佢又透露该品牌有直接联络佢,但直指呢对鞋任何人都留唔到,就算畀钱都买唔到!

Leave a Reply

Your email address will not be published. Required fields are marked *