据香港东网报道:歌神…

据香港东网报道:歌神#张学友#相隔20年重返港姐决赛舞台,担任表演嘉宾一连唱出4首歌曲,成为全晚焦点之一,原来唔只观众兴奋,就连前港姐冠军#冯盈盈##朱晨丽#、亚军#张秀文##何依婷#都化身追星族,希望同歌神合照,不过又点会咁易呀!
4位港姐一早喺厂外等候,打算喺学友唱完离场时候截胡合照,其中盈盈仲练定开场白,而何依婷就谂定学友离场路线,点知喺学友唱完后,就有广播叫佢哋4人要入厂,盈盈即时扭计:“点解会咁㗎,你畀我哋影埋相先!”点知同时间,学友竟然喺另一边出口离开,盈盈同何依婷立即赶上,盈盈仲远处跪求:“可唔可以影张相?”但最后都徒劳无功只能目送学友离开,当堂成个呆晒,而何依婷就话想喊!
而另一边厢,摄影师就成功赶上拦截歌神,娱乐新闻台主持问到开唔开心,天公造美,学友就话本来以为冇得做。当被叫到:“多啲返嚟喎!”学友就笑晒口:“好呀好呀!Thank you!Thank you!”










Leave a Reply

Your email address will not be published. Required fields are marked *