片场抄笔记被睇中!叶茜文唔介意做“小三”…

片场抄笔记被睇中!叶茜文唔介意做“小三”

艺人叶茜文(Sophie)入行约4年,除了凭《爱.回家之开心速递》打响知名度外,更因与红极一时的乐坛天后“撞名”,令人留下深刻印象。访问期间记者打趣问其父母是否很喜欢听叶茜文(Sally)的歌,Sophie笑答:“本来佢哋搵相士改咗另一个名畀我,点知妈咪唔系好锺意,讨论之际咁啱前辈喺电视唱紧歌,妈咪就话不如叫叶茜文啦。”她又透露求学时曾被同学改花名“叶贱人”,而老师每次点名都会会心微笑,童年回忆充满笑声。

改名方面似乎有点“求其”,但做生意的叶妈妈对爱女人生路上的决择,却义无反顾的支持。毕业于英国京士顿大学服装设计系的Sophie,为了演艺梦而放弃了“本行”,更坦言入行以来未正式畀过家用:“所以我好感激妈妈,令我冇后顾之忧去追寻理想(入行),不过好似近排接到广告,我会出钱请全家人食餐好嘅,我谂妈咪注重嘅系我有冇心啫。”谈到自己无忧心生活,Sophie更感恩拥有“万千宠爱”﹕“同母异父嘅家姐哥哥大过我20年,佢哋性格好玩得又好锡我,完全冇代沟。”

Sophie表示其实从小已很有表演欲,只是当初觉得演员路遥不可及:“惊畀人话发明星梦,后来谂通咗就目标为本,最唔锺意选美嘅我走咗去选港姐,落选后等通知入艺训班等咗好耐,我当时谂如果唔收我嘅话,就会去报读演艺(学院)。”

深感不是“班科出身”,Sophie明白努力与付出缺一不可:“艺训班嘅时候,同学苏韵姿已经入咗《爱.回家》,我掹车边每日去片场,睇人开工兼做笔记,渐渐地畀导演发现咗我,由客串同学甲变成有固定角色。(依家有乜角色想挑战吓?)我天生精力充沛,最高纪录试过开工32个钟再去搵朋友打机,所以好想试吓拍打戏,同埋试演古装。坦白讲啲人好锺意搵我演小三去姣人,我觉得‘姣’唔紧要,但希望角色有得发挥、写得复杂少少,多啲机会学嘢。”




Leave a Reply

Your email address will not be published. Required fields are marked *