万千星辉2021｜陈展鹏唔恨攞“视帝”：希望唔好年年都係我
《万千星辉颁奖典礼2021》将于明天（02/1）举行，陈展鹏将与谭俊彦、郑嘉颖、马国明、张振朗竞逐“最佳男主角”视帝宝座，不过陈展鹏今日（01/1）出席《铁拳英雄》记者会，接受访问时说：“信心就一定有，但係你话对手坚，就坚唔过嗰时林峯、郑嘉颖、谢天华、Bosco嗰年，啱啱提名嗰时都惊㗎，再嚟仲有黄子华、黄秋生、张智霖、震宇哥，真係想喊。”
他自言，竞逐“视帝”的信心一定有，但他更希望以后的颁奖典礼能有更多朋友一起参加：“希望唔好年年都係我，而係再多啲前辈出现，多啲五湖四海嘅朋友演员参加，咁就会开心好多，好似我以前坐喺十几年同过好多前辈合作，唔一定只係（TVB），上年都有红姐、黑哥都有提名，佢哋都唔属于‘亲生仔’，（多啲朋友参加）咁样先好睇。颁奖典礼点解一定要係签咗TVB啲人嘅颁奖典礼啫？大家都睇咗咁耐，係咪应该有啲新元素？呢样嘢都係我哋希望嘅，如果你问我，一定係志伟哥啦，影帝级人马客串吓，玩吓，再一齐角逐吓，谂起都开心！”
他续说：“每一年记者都问我，你有冇信心，其实要问返自己嗰一年做咗啲乜，其实（攞）奖唔（攞）奖要留返畀观众，观众眼睛係雪亮同埋好透明，佢哋乜都清楚晒。如果套套戏都好似当年咁好睇，套套都有竞争，咁先至好睇嘛，（演员）个心态都唔同呀嘛。我成日都觉得，而家大家都係‘平常心’啦，係咪真係咁‘平常心’呢。”他也表示，奖项是其次，其实可以颁给一些新晋的演员：“最紧要剧好睇，咁先可以吸引到观众。我成日都觉得奖项係要畀未攞过嘅演员，奖项係一个强心针，同埋观众要有共鸣。”
