叱咤︱张敬轩睇齐歌神张学友 赞姜涛做亚洲第一有想法
歌手张敬轩在叱咤乐坛颁奖礼勇夺3个奖，包括“叱咤乐坛男歌手”金奖、“至尊唱片大奖”及歌曲奖第3位，对此他表示：“好开心满意，好多意外收获，对个人奖唔系太大信心，今晚攞男金好开心。（5度夺金？）好开心，好好珍惜，系畀团队嘅一个肯定，喺呢个乐坛新局面有斩获已好开心。”他又提到现场有众多MIRROR粉丝：“无论fans支持边个，都系支持香港乐坛。”
讲到姜涛攞奖时他更企起身支持，他坦言：“姜涛系个有想法嘅男仔，花咗时间睇佢啲演出作品，佢喺当代artist入面，佢有自己审美同视野，佢头先话香港要做亚洲第一，如果我呢个年纪讲就尴尬，但佢呢个年纪讲就可以，青春就系本钱，所以佢哋年轻歌手任何一个都可以冲出香港发光发热，我哋可以喺后面做好配套支持佢哋，八仙过海各显神通，大家做自己叻嘅嘢，行业先有进步，如果是但一个攞晒奖咁又点，依家成个行业兴旺好开心。”
而讲到他叱咤“大满贯”，睇齐歌神张学友，他表示：“我身上系好多人嘅努力，头先发台瘟，做完演唱会个人好攰，都想多谢番公司同旧唱片公司，冇佢哋帮我打好基础，未必有咁嘅成绩。”
林家谦准备好台词唔紧张
林家谦在叱咤颁奖礼勇夺5个奖，包括“叱咤乐坛男歌手”银奖、歌曲奖第5位、“叱咤乐坛唱作人”金奖、“叱咤乐坛作曲人大奖”及“编曲人大奖”，成为个人的大赢家！他表示是最好成绩，笑言：“冇乜错愕，因为新闻都有预测，自己都有信咗一半，无论有冇奖都准备好台词，因为上年冇准备，所以就空白同呆咗，今年就有准备，个人都会定啲。”讲到成为大赢家，他谦称：“大家都系，唔好计数，有冇奖都系新一页，唔好眷恋有冇奖。”
