夹口供唔否认恋情？菊梓乔赞吴卓羲系“好好嘅人”
歌手菊梓乔（Hana）今日（5日）在将军澳电视城出席TVB节目《慈善星辉仁济夜》记招，她与吴卓羲（Ron）的关系近日有突破发展，除夕夜Ron带同家人欣赏她的演出，更没有否认恋情。
Hana受访时有备而来，讲到Ron带同家人棒场，她说：“多谢支持。（佢系咪你男朋友？）唔讲呢啲喇。（Ron冇否认你系佢女朋友？）哈哈…唔讲呢啲喇。（发展中？）依家专心工作。（Ron带埋屋企人嚟睇你？）其实嗰晚好多朋友都带咗屋企人嚟，因为好耐都冇呢啲户外骚，自己见到咁多观众都好开心。（感觉到佢追紧你？）感觉嘅嘢，个个都唔同嘅，嗰晚净系感觉到好大风、好冻。（公司要求低调感情？）公司冇讲嘅。（情人节点庆祝？）我要为一个婚礼表演，其实自己有拍拖、冇拍拖，都冇庆祝过情人节。”
Ron在圈中出名是孝顺仔，问到觉得他的人品？Hana大赞是好好的人，她说：“佢好好㗎，系一个好好嘅人，好敬业嘅前辈，拍戏、拍剧都好睇，系一个好好嘅人。（锺唔锺意孝顺仔？）梗系锺意，孝顺、心地好嘅人，有边个唔锺意，我锺意好心地、好嘅人。”
