汤洛雯玩粉红吊带诱惑 条事业线留番畀马国明？
马国明啱啱喺台庆颁奖礼夺得“最受欢迎电视男角色”，相信最开心嗰个唔系本尊，而系同佢爱得黐缠嘅汤洛雯（靓汤），虽然靓汤喺颁奖礼一个奖都冇，不过佢依然咁兴奋，寻日（4日）仲喺社交网发功，大晒粉红吊带诱惑！
只见佢着住件粉色外套看似平平无奇，但内有乾坤，入面着住件同色系低胸吊带背心，不过佢用拍摄角度遮掩性感，完美遮住条事业线，靓汤又留言：“最近有点迷上配对真人骚，喜欢上节目中的女生，可爱vs性感，你们喜欢哪个？又猜猜我喜欢甚么？”唔少网民都话佢咁着引死人，有人仲留言：“好嘢留畀马国明睇？唔好咁大细超喎”、“还我事业线！”
