张卫健孖张茜贴地食大牌档 滴酒不沾食得健康
在TVB《万千星辉颁奬典礼》中，获颁“专业精神奬”嘅电视广播城员工餐厅老板马庆豪，当年有同佢赊乾炒牛河之恩嘅张卫健（Dicky）拍片庆贺。相隔咁多年，依家名成利就，身家传过亿嘅Dicky，当然唔使再赊借度日咁惨猪，不过念旧嘅佢，依然都好锺意食乾炒牛河。
日前就有网友影到着咗件灰色卫衣，戴咗黑色头套嘅Dicky带埋太太张茜，仲有成班朋友喺北京三里屯食大牌档，佢哋两公婆打扮都好简约，一啲大明星架子都冇，而嗰日佢哋叫咗成枱小菜、一大碗老火汤，仲有几杯冷柠茶，朋友食饭连啤酒都唔饮，都算食得好健康。
佢同夜市中嘅街坊一样，好享受边食边同朋友吹水嘅乐趣，完全唔介意身处嘅环境有几嘈、装修有几简单，唔知佢系咪食得大牌档多，以前身形偏瘦嘅佢，嗰日块面圆咗啲，56岁人都未算走样，唔似啲中年大叔咁“肥腻”。
