许俊豪为演变态奸角狂操肌被网民赞赏
艺人许俊豪（Lincoln）在TVB剧集《爱上我的衰神》中饰演奸角虐杀区明妙，演技大获好评，他表示观众对剧集的评语及网上讨论度都是正面，对此十分开心及感恩：“我有留意大家嘅留言，虽然我个角色有啲暴力同变态，但大家都唔系讨厌我，而系话我做得好，最深刻系有网友话你可唔可以再做奸角。”
虽然演出受赞赏，但对自我要求高的Lincoln就谦称做得仍未够好：“记得剧中有一段长对白，我喺讲嘢方面嘅力气做得唔好，呢个亦都系监制同导演想我多啲改变，而且我喺咬字方面有需要改善。”
Lincoln为今次角色事前做了很多准备工夫，他为了剧中一场只有数秒的除衫戏而操肌及控制饮食个多月，他透露﹕“因为我本身系健身教练，喺训练方面会跟自己嘅课程，但由于个角色系画家，所以唔可以变到太大只，我尽量集中喺线条方面嘅操练，饮食方面接近一个月都食得好清淡，主要系食鸡胸同烚蛋，记得拍剧嘅时候，大家都系食饭盒，我系自己带饭，食椰菜饭、鸡胸、烚蛋。”
他指导演安排了除衫一幕在最后拍摄，原本已定好日子，他亦已经脱好水，但导演却临时通知要改迟一日拍：“咁样系最痛苦，因为全日演戏都唔得饮水，精神压力好大，但可能系呢个原因，令到个情绪更大起伏，所以多谢导演惩罚我。”
