钟嘉欣明早飞返加拿大 囡囡准备一万个Kiss迎妈咪回归
艺人锺嘉欣今日（18日）出席贺年活动，她表示明早便会飞返加拿大与家人团聚，她说：“原本上星期飞，但航班取消咗，好感恩可以赶得切返去同屋企人过年。（要唔要隔离？）会居家隔离14日，其实都有啲担心，嗰边每日几千宗。（会点预防？）照做番平日嗰啲措施，其实最紧要有好嘅心理质素，健康思想、健康身体、多休息，大家要加油保重坚持。”
问到女儿有否挂念她，她指5岁女儿已懂事：“可能之前都惯咗我耐唔耐要飞，不过佢话预备咗一万个kiss同拥抱等我，又话会同我瞓。（有冇买咗好多礼物畀佢？）唔使我买啦，我好多朋友都买咗嘢畀佢，搞到我行李超晒重。”
她坦言未知几时会再回港，感恩今次想做的事已全部做好：“今次返嚟有好多得着，好似阿仔佢今次陪我返嚟个几月，啲广东话突飞猛进，依家应该可以同你对答如流，加上见到妈咪啲朋友个个都咁靓又咁锡佢。（会唔会有工作倾紧迟啲返嚟？）其实都有倾，但要睇情况，依家疫情咁样，同埋我都唔想离开屋企太长时间，不过老公大部分亲人都喺香港，所以佢话若果疫情转好，我哋就即刻执包袱飞返嚟。”
