隔离共需28日︱古佩玲恨返内地团圆：冇咁多假
艺人滕丽名、吕慧仪、周嘉洛、谢嘉怡及古佩玲等，今日（19日）下午现身电视城出席《爱．回家之开心速递》新春宣传活动，一班演员提早庆祝虎年，更在道具桃花树前转圈祈福，适逢滕丽名明日（20日）46岁生日，众人诚心送上祝福。
谢嘉怡（Lisa）与古佩玲（Kelly）事后齐齐受访，谈到虎年将至，Lisa透露今年可一家团聚，事关父母已由苏格兰来港，她表示：“应该会有一、两日放假，会返大埔同嫲嫲食饭。其实细个喺苏格兰农历年气氛唔太浓厚，记得大约10岁嗰年，有日返学老师同我讲‘你听日唔使返学校喇’，原来系爸爸帮我申请咗农历年放假几日。”
Kelly则因家人身在深圳定居及工作，故相信农历年未能团聚：“侄仔已1岁大，但依家净系见过佢一次，我谂佢都唔记得咗我！希望疫情快啲过，我都有考虑过返内地同屋企人过年，但由香港返内地要隔离28日，冇咁多假。咁啱早排我病过，唯有留港争取时间休息吓。”
