网友寸唔识着衫 露半Bra陈圣瑜5字霸气回应
应届港姐陈圣瑜（Yvette）自入行后即备受器重，去年瞬即加入节目主持《读心专家》，新剧《法言人》都预埋佢一份，加上甜美外貌加火辣身材，参选时已经人气急升，自动升呢做TVB真女神。
最近爆出第5波疫情，晚市堂食延长至2月3日，个个嗌晒救命，好似Yvette咁，佢都好怀念以前夜晚扮靓靓出街食饭嘅日子，近日佢就晒出旧饭局照，见索爆嘅佢以一袭超索贴身连身裙现身一间高级餐厅，更晒出33吋逼爆上围，泰山装上阵嘅佢更加露出半边黑Bra，真系睇到网友喷鼻血。
点知就有人留言，问佢系咪唔识着衫，似系觉得女神太暴露，不过出名Nice爆嘅Yvette就一啲都冇嬲，反而好温柔咁回覆对方：“ I got my shawl with me haha（我有带披肩！）”咁识做，唔怪得人气有升冇跌。
