不受绯闻影响继续吸金！MC成广告宠儿预告出新歌
新人王张天赋（MC）近日绯闻缠身，连爆专攻人妻，先后与《全民造星IV》参加者Ash（锺卓颖）及有“港大杨恭如”之称嘅网红Santis“蜜”游超市，令佢即时被封“超市KOL”，事后佢喺社交网甫行超市片自嘲，尽显高EQ！
唔单止佢心情冇受到事件影响，形象亦冇因而受损，继续受各大广告品牌喜爱，见绯闻爆出后，佢如常广告接不断，翻查其社交网，几乎有9成嘅发文都系广告相关嘅宣传照，由去年11月至今短短3个月，已经密密接咗超过30个广告，而涵盖范畴极广，由服装、波鞋、家电、珠宝、食品以至护肤品等都包罗万有，拍得住人气组合MIRROR，绝对系广告商嘅宠儿。与此同时，佢近日再获两大线上串流音乐平台颁发年度歌曲奖项，加上佢日前喺社交网透露正录制新歌，明显事业冇受影响！
