JW全力出歌唔急嫁：爱情系后盾！
歌手王灏儿（JW）与薛家燕今日（22日）为贺年节目进行录影，JW透露近两年未有推出新歌，故今年计划全力出歌：“我上年专注拍剧，今年就专注音乐，我最近亲力亲为搵音乐监制、填词人合作，希望可以多产，已经录好一首歌，希望过年前录多一首。（系咪准备喺4月颁奖礼争奖？）我完全冇谂颁奖礼，唔想为奖框死自己。我最想年底出新唱片同埋开演唱会。”
至于终身大事可以纳入新一年计划内？她坦言身边很多朋友结婚，也很戥他们高兴，但自己今年只想专心事业：“因为我同跟男友感情好稳定，所以唔使急，佢都专注佢嘅事业，爱情系大家嘅后盾，大家互相支持，我哋冇压力。（拜年会畀亲友催婚？）疫情下都唔方便摆酒啦，所以催婚话题今年可以免疫。”
教晓8个月大的孙仔拜年
薛家燕她称新抱已教晓8个月大的孙仔，向她请请拜年：“孙仔好得意，佢今日向我请请，我同佢讲未到初一，初一先派利是，如果日日都拜，都要几多利是，不过有个孙仔同我拜年系好开心。”她续指因疫情关系，儿子也要求她减少见孙仔：“佢话我成日喺出面做嘢，所以叫我唔好入屋见孙仔，只可以视像，依家疫情紧张少少，安全第一，希望疫情快啲过去。”
她坦言近期疫情严峻，不少活动都要取消，她也觉得有点遗憾：“因为好多朋友都想同我拜年攞我封利是，唔系志在入面嘅嘢，而系个意头，我会准备定200封利是喺身，如果返公司或电台就会通知大家，分享好运。”
另外，她透露数星期前拍摄节目，堪舆学家李丞责已预告疫情会涉入动物问题，现果然应验跟仓鼠有关，问到李丞责有否指点她一二？她说：“佢话我今年或出年会有喜事，有可能攞奖，我以为系中六合彩，点知啱啱亿几又未轮到我，我会一直买到攞为止。”
