《爱．回家》沈可欣扮演AV女优 Cosplay造型无限FF
TVB处境剧《爱．回家之开心速递》集集有新故事，寻晚（23号）嗰集“Rebecca”沈可欣豁出去扮演AV女优，以多个造型包括Cosplay小丑女、性感睡衣、水手服、眼镜娘登场，演出够晒大胆！大家唔好误会，绝无色情成份，大胆只系讲紧现年46岁嘅沈可欣，罕有脱下以往贤妻良母嘅角色，就算近年“升呢”做秘书“Rebecca”斯文角色，今次变身AV女优可谓大解放，佢更将多个造型照放到社交网与众同乐，问大家有冇收睇，唔少网民留言话特意睇寻晚一集支持佢，由头笑到落尾呀！
