据香港东网报道：型男#林峯#早前喺香港拍摄新片《#九龙城寨#》，被同片嘅#任贤齐#轮住围殴，受尽皮肉之苦，佢日前终于可以抖一抖，返去同老婆、宝贝女一家圑聚享天伦。佢老婆#张馨月#日前就喺社交网度上载咗老公同囡囡“格格”坐车嘅温馨照。虽然张相又黑兼且影得个背脊，但见到林峯好开心咁抱住宝贝女一齐睇街景，戴咗口罩嘅佢，因为新戏剃咗个Skin Head发型，同囡囡个短发有啲似，被网民赞“好有父女相呀”。唔经唔觉，佢个女“格格”都岁几大，着咗粉色卫衣，啲手指仔又长又白好得意，相信B女都系遗传咗父母嘅优良基因，身形都几高吓！
@张馨月Carina 见老公同个女咁Sweet，佢隔几日又忍唔住再分享老公同囡囡嘅新相，爱女心切嘅峯嫂就用咗Emoji遮咗女个样，当时林峯好叹咁瞓喺梳化度瞓觉，而喺佢身边嘅囡囡，可能觉得爸爸个鼻哥窿充满神秘感，所以喺好奇心驱使下，就用佢只手指仔伸向爸爸个鼻哥窿度“探索”吓，而呢一幕充满童真嘅画面就被妈妈影低咗！
@林峯 睡相被老婆“出卖”，唔知系咪有人要为报“畀错药之仇”有关，因为佢话有日喉咙唔舒服，怕系扁桃腺发炎致感冒，佢老公就畀咗3粒日本感冒药过佢食，话打定底揿住啲感冒菌，佢就出于信任，二说不话就“啪咗”啲药，点知食咗先知“中伏”：“刚刚我看了下药樽，使用期限是2019年，我…”好在之后又见峯嫂仲有心有力咁整饼畀囡囡食，相信佢冇因为食咗过期药而出事，真系Lucky！
据香港东网报道：型男…
