张天赋传搭上两位人妻 公司勒令保持距离
歌手张天赋（MC）早前被指搭上两位人妻Ash及Santis，先后拍得陪她们行超市。MC今日（26日）现身活动时，心情似乎不错，他说：“心情一路都好好，冇乜太大影响，同埋最近开始学跳舞、琴、唱歌同做gym，好好增值自己。（担心影响形象？）新闻嘅嘢实有，都唔系太负面啫，我都系同朋友一齐做正常嘅嘢。（传介入人哋婚姻喎。）一张行超市嘅相又真系未至于咁大指控，之前交代过大家只系朋友，冇乜太多嘢要回应。（仲敢约人妻行超市？）我依然会同朋友做朋友会做嘅事，唔系啲咩事，系正常社交，（咁锺意行超市？）多嘢买，唔知点讲喎，咁都畀人影到。（异性朋友怕咗同你去街？）反而系我担心佢哋惊，好彩啲朋友唔介意。(同两位人妻朋友继续保持联络？ ）咁又冇，公司话最好保持距离，但又未至于朋友都冇得做，保持距离啫！”
而王丹妮和罗考勇夫妇亦有现身活动，王丹妮谈到因为主演电影《梅艳芳》人气急升，本届金像奖首轮投票被一致睇好兼呼声高，她说：“多谢观众嘅支持，知道依家我都系感恩、感激同感谢，不过入围、得奖嘅嘢都系随心，最开心系凭呢套电影打开咗自己嘅演艺之路。（系咪特别想攞新人奖？因为一世人一次？）我真系冇谂咁多，随心啦，所有嘢都系上天嘅安排。”罗考勇的表示无论如何都以太太为荣。
问到是否已落实第二部电影片，王丹妮坦言：“系有啲片约倾紧，睇紧剧本啰，不过嚟紧《梅艳芳》会变成5集电视剧，初二开始喺网上推出，呢个版本我未睇过，所以好期待，都会忙埋剧集宣传先谂其他。”对于李佳芯缺席活动，王丹妮否认顶替对方：“一个月之前已经搵我！”
