被无綫要求与李佳芯保持距离 陈恩德感侮辱 抽起千万广告
李佳芯（Ali）跟有“虫草大王”之称的陈恩德（Mark）早前被爆密会，近日又指2人秘恋逾1年，网上流传多张2人合照，包括陈恩德为Ali庆祝生日。Ali昨天（25日）发声明澄清秘恋报道，再次强调2人只限工作洽淡，从没发展过任何关係，今后亦不会有任何发展空间。
今天（26日）Ali原先出席一个NFT发布会，但最后改为蔡洁、王丹妮及老公罗孝勇担任嘉宾。Mark受访时表示：“佢（Ali）经理人有特别要求，喺呢个event唔可以同陈先生合照，即使上台大合照，一定要同陈生保持距离，要隔几个人先可以影相，陈生同Ali唔能够同时接受访问。
喺我哋公司立场，係好冇礼貌，甚至係带点侮辱嘅一个要求，咁我哋即时问‘点解临尾会有啲咁嘅要求嘅？’当然同经理人嘅对话嗰个唔係我，咁佢哋send返畀我哋嘅时候，我谂我只能够传WhatsApp畀Ali，问‘係咪你主意’，佢冇覆我。”
问到2人关係是否转差？Mark说：“佢（Ali）后来有覆，不过唔紧要喇，係私人内容，总之佢意思係公司要求各样各样，唔紧要喇，咁经理人打嚟，我即刻答‘唔需要喇’，唔需要原因，唔係Ali问题，係我哋需要嘅係尊重。好似今日咁样嘅event，起码都要介绍，起码都要影幅相。首先我都要声明，我都唔係锺意影相嘅人，头先佢哋要我影相，我一幅都唔影，我好怕影相。
我讲咗我立场先，亦都因为咁嘅原因，最后我哋cut咗唔使佢（Ali）出场，呢个係TVB嘅问题，我哋亦出晒信去投诉，我亦都抽晒所有TVB广告，即係我觉得以我一个每年用千万元计嘅客户而获得咁嘅待遇，我觉得佢哋简直侮辱紧我。（有没有讨论件事或和解？）我谂乐易玲自己交代吓啦！”
此时，Mark的律师表示：“啱啱老闆讲过，出信去TVB，我哋会书信来往，寻求达成共识，我哋希望咁样。”
再追问跟Ali私下有没有联络？是否追求Ali？Mark则说：“私人问题就唔答，头先属于公事，就解释一次。好多人问我点解活动有Ali个名，但Ali唔嚟，所以交代一下。（追求Ali？）我只可以咁讲，喺我单方面，佢会係我好朋友，就算今日佢冇嚟，我会照送番NFT畀佢，我哋呢啲好冇所谓，其他私人事我就唔答，咁佢（Ali）想点讲，我完全尊重佢讲任何嘢，OK？但我觉得我唔需要去同佢去讲任何说话，大家朋友。”
问到除了给NFT外，会否给予出场费予Ali？他说：“唔会咯，因为TVB收㗎嘛，唔係佢私人收。”至于会否告Ali违约？Mark的律师再度搭嘴：“我哋因为会书信来往，呢个我哋会处理。”
谈到Ali发声明划清界线？Mark再说：“头先讲咗，佢想点讲都冇所谓，喺我原则就係，唔好特别伤害佢喇，佢係一个好人。”
