唱腔外形都似！冼靖峰想摆脱张敬轩影子：加多啲个人特色
《声梦传奇》歌手冼靖峰（Archie）系高材生，曾就读喇沙小学、喇沙书院及毕业于香港大学工商管理学系，加上音乐才华，呢个Package冇得输，不过一路想佢做银行嘅爸爸起初唔赞成佢做歌手，直到佢决赛完结后，虽然只得梗颈四，不过竟然感动到爸爸，批准佢做歌手：“唉，由细到大，系咁逼你，要做边样做嗰样，咁不如今镬我就畀你试一试。”令Archie非常感动。
如今Archie终于有自己新歌《一个人的幸运》，日前佢去电台宣传新歌时，就坦言想摆脱张敬轩影子，好多网友都话两人无论外形、身形同唱腔都好似，佢话：“因为我比赛嗰时，好多时有人话我好似我偶像张敬轩，唱法或者唱腔上，咁我再谂点样可以有更加多嘅个人特色。”
Archie自细已经有音乐梦，中学时期已经谂定夹band将来做歌手，到大学时期直情唔读书斋夹band，到毕业后就参加过ViuTV的《全民造星II》和TVB的《声梦传奇》，主持人问到佢点睇两个唔同嘅选秀节目，佢就话：“其实好开心系无论去到边个平台，无论系《造星II》，或者《声梦》，其实都有好多导师，好多mentor一路帮我哋。”似乎未有正面回答问题。
而Archie是一个追求完美的人，他说︰“比赛尾段，我有一个感觉就系，唔想首歌有啲啲瑕疵，你接受唔到嗰啲瑕疵，如果有少少瑕疵，我自己会返屋企瞓唔着。”
